Ipade-deport ng Bureau of Immigration (BI) ang isang Taiwanese na matagal nang pinaghahanap ng batas dahil sa telecommunications fraud sa Taipei.
Ayon kay BI Commissioner Norman Tansingco, inaresto ng fugitive search unit ng ahensya si Shan Yu-Hsuan, 40, sa F.B. Harrison St., Pasay City nitong Nobyembre 17.
Isinagawa ang pagdakip batay na rin sa mission order na ipinalabas ni hepe ng BI alinsunod sa kahilingan ng Taiwanses government.
“He will be deported after our BI board of commissioners issues the order for his summary deportation. He will also be included in our blacklist of undesirable aliens to prevent him from re-entering the country,” anang opisyal.
Pansamantalang nakapiit si Shan sa BI warden facility sa Camp Bagong Diwa, Taguig City.
