Nagbigay ng reaksyon si Miss Universe Philippines Michelle Dee sa naging pahayag ng Miss Universe El Salvador tungkol sa una nitong inilabas at agad na binurang art card ng Top 5 finalists, kung saan kasama siya sa listahan.
Matatandaang naging hot topic sa social media ang screenshot ng deleted art card na unang pinost ng Miss Universe El Salvador, na nagsilbing host country ng pageant ngayong taon. Makikita kasi rito na napabilang sa listahan si Michelle sa Top 5, kasama sina Miss Australia, Miss Puerto Rico, Miss Nicaragua, at Miss Colombia.
Pero agad din nilang dinelete ang nasabing art card, at base nga sa “updated version” ng kanilang post, biglang nawala si Michelle at pumalit naman sa spot niya si Miss Thailand.
‘Something fishy?’ Rhian, ni-repost trending art card ng MU Top 5 na kasama PH
Kaugnay nito, sa kanilang official statement nitong Huwebes, Nobyembre 23, nag-sorry ang Miss Universe El Salvador kina Michelle at Miss Thailand dahil sa kanila umanong “mistake.”
“Our mistake! In the rush to get our posts up during Saturday’s live broadcast, we accidentally mixed up the names of two finalists. This was a simple error of moving too fast – we heard the same results live at the same time that you all did, no special access over here! We’re sorry to both finalists,” pahayag ng organisasyon.
Agad naman itong dinumog ng ilang pageant fans na hindi raw kumbinsido sa paliwanag ng Miss Universe El Salvador.
Samantala, ayon naman kay MMD, lahat ng bagay ay may dahilan, kaya't sana raw ay maging respectful na lang ang bawat isa.
“There should be no room for error but the reality is that we live in an imperfect world,” ani Michelle sa kaniyang Instagram broadcast channel na “Hey, MMDVERSE!”
“My request is not just to be respectful to the delegates but to the supporters that are so passionate about this platform as well.”
“But again, EVERYTHING happens for a reason and it’s just a matter of seeing it as a lesson or a blessing. So always act with love, kindness, and respect. All love. 🖤,” dagdag pa ng beauty queen.
Matatandaang natapos ang journey ni Michelle sa 72nd Miss Universe bilang Top 10 finalist, kung saan inirampa niya ang isang gown na tribute sa legendary Filipina tattoo artist na si Apo Whang-Od.
Ang pambato naman ng Nicaragua na si Sheynnis Palacios ang siyang kinoronahan bilang Miss Universe 2023.
