Mahigit na sa 81,000 pamilya ang inilikas dahil sa matinding pagbaha sa iba't ibang bahagi ng bansa nitong Martes dulot ng shear line at low pressure area (LPA).
Probinsya
Binatilyo sa Atimonan, minolestiya umano ng basketball coach
Sa datos ng National Disaster Risk Reduction and Management Council (NDRRMC), ang mga apektadong pamilya na katumbas ng 307,087 indibidwal ay mula sa 503 barangay sa limang rehiyon -- Calabarzon (Region 4A), Bicol, Western Visayas, Eastern Visayas at Caraga.
Kasama sa nasabing bilang ang halos 400 residente na inilikas dahi sa pagbaha sa Catarman, Northern Samar.
Sinabi ng PCG, ang mga evacuee sa Catarman ay binubuo ng humigit-kumulang 80 pamilya mula sa Barangay Macagtas, Brgy. Molave, Brgy. Yakal, Brgy. Narra at Brgy. Ipil-ipil sa Catarman.
Idinagdag pa ng Coast Guard, 24 oras silang naka-standby upang makatulong pa sa mga residenteng apektado ng naturang kalamidad.
