Hawak na ng mga awtoridad ang isang Amerikano matapos masamsaman ng mga tanim na marijuana sa tinutuluyang condominium sa Juana Osmeña Extension, Brgy. Kamputhaw, Cebu City.
Probinsya
Tatay na patungo sanang Negros para sa anak na may sakit, nawawala!
Isinagawa ang operasyon ng Philippine Drug Enforcement Agency (PDEA) Cebu Provincial Office at Cebu City Police Station 2 sa tinutuluyan ni William Lee Matteson, 75, taga-Nebraska, United States of America.
Katwiran ng PDEA, nakatanggap sila ng impormasyon kaugnay sa pagtatanim ng marijuana ng dayuhan sa kanyang condominium.
Sa pahayag ng PDEA Cebu, maliban sa kanyang sariling konsumo, ibinebenta rin umano ito ni Matteson ang nasabing illegal drugs.
Nahaharap na ang suspek sa kasong paglabag sa Comprehensive Dangerous Drugs Act of 2002.
