Lumago sa 5.9% ang ekonomiya ng Pilipinas sa third quarter ng taon, ayon sa Philippine Statistics Authority (PSA) nitong Huwebes, Nobyembre 9.
Sa ulat ng PSA, naging 5.9% ang gross domestic product (GDP) ng bansa sa ikatlong quarter ng 2023, mas mataas kung ikukumpara sa 4.3% na datos noong ikalawang quarter ng taon.
“The main contributors to the third quarter 2023 growth were: Wholesale and retail trade; repair of motor vehicles and motorcycles, 5.0 percent; Financial and insurance activities, 9.5 percent; and Construction, 14.0 percent,” saad ng PSA.
Samantala, inihayag din ng PSA na mas mabagal pa rin ang naturang huling datos kumpara sa 7.7% GDP sa third quarter noong 2022.
National
