Inanunsyo ng Professional Regulation Commission (PRC) nitong Miyerkules, Nobyembre 8, na 73.65% o 2,974 sa 4,038 examinees ang nakapasa sa November 2023 Pharmacists Licensure Examination.
Sa inilabas na resulta ng PRC, kinilala si Justine Kaye Fajardo Gajo mula sa Centro Escolar University (CEU) - Manila bilang topnotcher matapos siyang makakuha ng 93.25% score.
Hinirang naman ang St. Louis University bilang top performing school matapos itong makakuha ng 96.84% overall passing rate.
Isinagawa umano ang naturang pagsusulit mula Nobyembre 2 hanggang 3, 2023 sa mga testing center sa National Capital Region (NCR), Baguio, Cagayan de Oro, Cebu, Davao, Iloilo, Koronadal, Legazpi, Lucena, Pagadian, Pampanga, Rosales, Tacloban, Tuguegarao, at Zamboanga.
