Kinilala ng Sta. Cruz Tourism sa Davao del Sur si Ma. Angelica F. Torres, 20, mula sa Quezon City bilang pinakaunang bulag na babae na matagumpay umanong nakaakyat sa pinakamataas na bundok sa bansa na “Mt. Apo.”

Sa isang Facebook post ng Sta. Cruz Tourism, ibinahagi nitong nakaakyat si Torres ng Mt. Apo noong Oktubre 24 hanggang 26, 2023.

“Miss Ma. Angelica F. Torres became the first blind woman to complete a trek using the circumferential trail of Sta. Cruz which started from Desander trail head all the way to the boulder face, summit, Lake Venado, Century Tree and back to trail head,” anang Sta. Cruz Tourism.

“She was guided by seasoned trail runners and mountain guides Arnie Macaneras and Julie Ann Morales,” dagdag pa nito.

Human-Interest
Magna cum laude graduate na pinagsuot ng toga ang ama, kinaantigan

Magna cum laude graduate na pinagsuot ng toga ang ama, kinaantigan

Dahil sa matagumpay nitong pag-akyat sa naturang bundok, ginawaran umano ng Sta. Cruz Tourism si Torres ng “special citation certificate” at “Sta. Cruz Trailblazer award.”

Samantala, ang naturang pag-akyat umano ni Torres ay sinimulan ng Parent Advocates for Visually ImpaIred Children, Inc. (PAVIC) upang magdala raw ng mensahe na walang imposible pagdating sa “adventure activities.”