Mukhang "nagkabalikan" at naayos na ang "harmonious at supportive relationship" nina Queen of All Media Kris Aquino at Batangas Vice Governor Mark Leviste batay sa latest Instagram update ng una, sa pagbisita sa kaniya ng kaibigan at "panganay" na si Kapamilya star Kim Chiu.

Ayon sa edited Instagram post ni Kris, muli silang nagkita ni Mark dahil ito ang nagsilbing videographer upang kunan ang reunion nila ni Kimmy. Sa kaniya raw nakipag-coordinate si Kimmy para makadalaw sa kaniya.

Malaki raw ang naitulong ng bunsong si Bimby upang magkaayos sila ni Mark.

"Videographer & the person kimmy’s ate contacted to coordinate was vice gov @markleviste- we’ve both learned from our mistakes…with God’s help sana tuloy tuloy na yung harmonious and supportive relationship namin. Thank you bimb for helping us realize all the things we needed to repair in order to strengthen our commitment," pahayag ni Kris.

Matapos maligwak ang request: Paolo Duterte, pumayag manatili si VP Sara sa kaniyang opisina

Matapos maligwak ang request: Paolo Duterte, pumayag manatili si VP Sara sa kaniyang opisina

Sa comment section naman ay nagpasalamat din si Kim kay Vice Gov.

"I love you so much ate.💗💗💗so so so much. Ngayon alam ko na saan ako mag message.🙏🏻 thank you so much to sir @markleviste for reaching out. Super happy ako.💗 happy ako to talk and see you ate after so many years. Love u ate.💗 @krisaquino."

Samantala, nagbigay naman din ng health update si Kris.

"Thank you to all of you who are praying for me, slowly gumaganda my numbers. That’s because of the power of our collective prayers. God’s rewarding our #faith. Roughly 15 more months of treatment, but i’m alive and hopeful; tuloy ang LABAN, bawal sumuko. #grateful"

Matatandaang inanunsyo na ni Kris na "wala" na sila ni Mark kamakailan.