Mariing umapela si United States (US) President Donald Trump na sibakin sa trabaho ang TV host at komedyanteng si Jimmy Kimmel dahil sa pagsasabi nito ng “expectant widow” kay First Lady Melania Trump.
Ayon sa naging pahayag ni Trump sa kaniyang Truth Social account nitong madaling-araw ng Martes, Abril 28, 2026, pinuntirya niyang nakakabigla raw ang naging banat ni Kimmel sa kaniyang show noong nakaraang linggo.
Aniya, nagpakita umano ang komedyante ng pekeng video ni FL Melania kasama ang anak nilang si Barron Trump na tila dumalo at nakikinig talaga sa show ni Kimmel.
Pagbanggit ni Trump, pinuri pa raw ni Kimmel sa kaniyang naturang skit si FL Melania at sinabi ng komedyante na isang “expectant widow” ang misis ng Pangulo.
“He then stated, ‘Our First Lady, Melania, is here. Look at Melania, so beautiful. Mrs. Trump, you have a glow like an expectant widow,’” aniya.
WHO, nababahala sa ‘scale and speed’ ng Ebola outbreak; 134 suspected deaths naitala
Ani Trump, matapos daw ng naging show na ito, biglang naganap ang isang shooting incident sa loob ng White House noong Abril 25.
“A day later a lunatic tried entering the ballroom of the White House Correspondents Dinner, loaded up with a shotgun, handgun, and many knives,” saad niya.
Diin pa niya “He was there for a very obvious and sinister reason.”
KAUGNAY NA BALITA: Trump, lumikas matapos ang putukan sa White House
Dahil dito, mariing nanawagan si Trump sa entertainment television na Disney at media company na ABC na sibakin sa trabaho ang nasabing komedyante.
“I appreciate that so many people are incensed by Kimmel’s despicable call to violence, and normally would not be responsive to anything that he said but, this is something far beyond the pale,” buwelta at pagtatapos pa niya.
KAUGNAY NA BALITA: Trump, sinadyang 'wag agad umalis sa shooting sa White House!
