Naglabas ng pahayag ang Department of Information and Communications Technology (DICT) nitong Linggo, Oktubre 15, hinggil sa pag-atake ng hackers sa website ng Kamara.

Ayon sa DICT, kinukumpirma nito ang “cybersecurity incident” sa Kamara at iniimbestigahan na raw nito ang nangyari.

“The Department of Information and Communications Technology (DICT) confirms the existence of a cybersecurity incident that occurred at the House of Representatives (HOR),” pahayag ng DICT.

“We are in constant communication and coordination with the HOR and are currently investigating the extent of the said incident.”

Website ng Kamara, inatake ng hackers

Website ng Kamara, inatake ng hackers

“We shall provide further updates to the public as soon as they become available,” saad pa nito.

Unang na-detect ang hacking, na nagdulot ng “vandalism” sa website ng Kamara na www.congress.gov.ph, bago umano magtanghali nitong Linggo.

Makalipas ang ilang minuto hanggang sa isinusulat ang artikulong ito’y hindi na ma-access ang naturang website.

Naglabas naman ng pahayag si House Secretary General Reginald Velasco nitong Linggo ng tanghali upang kumpirmahin ang nangyaring pag-hack sa kanilang website.