Nakapagtala pa ng 167 rockfall events ang Mayon Volcano sa nakaraang 24 oras.
Paliwanag ng Philippine Institute of Volcanology and Seismology (Phivolcs), simula 5:00 ng madaling araw ng Linggo hanggang madaling ng Lunes, Oktubre 9, nagkaroon din ng limang pagyanig ang bulkan at dalawang pyroclastic density currents (PDCs).
National
PUP nagbukas na rin ng klase para sa female PDLs ng Manila City Jail
Napanatili rin ng bulkan ang pagbuga ng lava sa Bonga Gully at umabot sa 3.4 kilometers.
Apektado rin ng 2.8 kilometrong lava flow ang Mi-isi Gully at 1.1 kilometrong pagragasa nito sa Basud Gully.
Huling bumuga ng 1,063 toneladang sulfur dioxide ang bulkan nitong Oktubre 8.
"Alert Level 3 is maintained over Mayon Volcano, which means that it is currently in a relatively high level of unrest, and hazardous eruption within weeks or even days could still be possible," babala ng Phivolcs.
Bawal pa ring bumalik ang mga residente sa 6-kilometer radius permanent danger zone (PDZ) ng bulkan dahil sa nakaambang PDC, pagdausdos ng mga bato, at pagragasa ng lava.
Idinagdag pa ng Phivolcs, posible ring rumagasa ang lahar sa lugar sakaling magkaroon ng matinding pag-ulan.
