FPRRD, may respeto kina Leviste at Barzaga

FPRRD, may respeto kina Leviste at Barzaga—Kitty

By Mc Vincent Mirabuna

April 30, 2026

Kinuwento umano ni Veronica “Kitty” Duterte sa kaniyang amang si dating Pangulong Rodrigo Duterte ang tungkol sa mga ginagawa nina Batangas 1st District Rep. Leandro Leviste at Cavite 4th District Rep. Kiko Barzaga.

Matatandaang opisyal nang naging miyembro ng partidong Pilipino-Lakas ng Bayan (PDP-Laban) noong Miyerkules, Abril 29, 2026, si Barzaga.

Habang aktibo naman si Leviste sa pakikiisa sa mga event na isinasagawa ng mga sumusuporta kay FPRRD, partikular sa naging pakikiisa niya sa ginanap ng ika-89 na selebrasyon para sa Araw ng Dabaw noong Marso 28, 2026.

Ayon naman sa inupload na video ng Duterte supporter na si Alvin Sarzate sa kaniyang YouTube channel sa panayam niya kay Kitty noong Miyerkules (araw sa The Hague, Netherlands), sinabi ng huli na nabanggit niya ang mga naturang mambabatas kay FPRRD.

“I’ve mentioned them just now to my father, Congressman Leviste and Barzaga,” pagsisimula niya.

Ani Kitty, pakiramdam daw niyang nirerespeto ni FPRRD sina Leviste at Barzaga dahil tila raw kagaya ng kaniyang ama ang mga nabanggit na mambabatas.

“He’s quite fond of them because I think he respects people who are like him, outspoken and brutally honest,” aniya.

Dagdag pa niya, “He mentioned their parents kasi halos ka-batch niya [at] kilala niya.”

Personal namang komento ni Kitty, tingin daw niyang maganda naman ang mga ginagawa nina Leviste at Barzaga.

Aniya pa, higit na kailangan daw ng Pilipinas at ng mga tao ang mga batang mambabatas na kagaya nina Leviste at Barzaga na mayroong tapang upang lumaban.

“I think they’re doing well… I think they’re doing good, I think that the Philippines, the people, and the masses need more people like them,” saad niya.

“Yes they are young. But because they are young, they are more—usualy kasi kapag you’re younger, you’re braver and you have a stronger sense of fight in you,” pagtatapos pa niya.

Samantala, habang sinusulat ito, wala pa namang inilalabas na tugon o reaksyon sina Leviste at Barzaga kaugnay rito.

KAUGNAY NA BALITA: 'She's not a thief!' Kitty, dinepensahan kapatid na si VP Sara

KAUGNAY NA BALITA: 'Sinusuwelduhan mga congressman para manahimik!'—Rep. Leviste

Lalaki, hinukay bangkay ng kapatid para makapag-withdraw sa bangko!

Isang lalaki ang agaw-eksena matapos hukayin ang bangkay ng kaniyang kapatid at dalhin ito sa isang bangko, makaraang hindi siya payagang mag-withdraw ng pera nang walang death certificate. Kinilala ang lalaki na si Jitu Munda, mula sa isang kinikilalang tribal community sa estado ng Odisha sa India. Noong Lunes, Abril 27 nang nagtungo siya sa Indian Overseas Bank upang kunin ang pera sa account...

Pinakamalakas na ebidensya sa impeachment ni VP Sara ay si VP Sara mismo—De Lima

Tinukoy ni Mamamayang Liberal (ML) Party-list Rep. Atty. Leila de Lima na si Vice President Sara Duterte umano mismo ang pinakamalakas na ebidensya laban sa kaniyang sarili at sa kinahaharap nitong impeachment. Kasunod ito ng isang unanimous decision mula sa House Committee on Justice noong Miyerkules, Abril 29, kung saan ang lahat, o ang 53 miyembro ng komite ay bumoto ng “yes” dahil...

Korte Suprema, nilinaw ang tungkol sa 'forthwith' ng impeachment

Ipinahayag ng Supreme Court of the Philippines na isinantabi nito ang petisyong naglalayong pilitin ang Senado na agarang magpulong bilang impeachment court upang litisin ang mga sakdal laban kay Vice President Sara Duterte. Sa sesyon nitong Abril 29, 2026, na mababasa naman sa opisyal na Facebook page ng SC, ibinasura ng Kataas-taasang Hukuman ang petition for mandamus na inihain ni Catalino...