'She's not a thief!' Kitty, dinepensahan kapatid na si VP Sara-Balita

'She's not a thief!' Kitty, dinepensahan kapatid na si VP Sara

By Mc Vincent Mirabuna

April 30, 2026

Ipinagtanggol ni Veronica “Kitty” Duterte ang kaniyang kapatid na si Vice President Sara Duterte na hindi raw magnanakaw at sinungaling ang huli.

Matatandaang napagbotohan na ng mga miyembro ng House Committee on Justice sa isinagawa nilang pagdinig noong Miyerkules, Abril 29, 2026, na ilipat sa plenaryo ng House ang impeachment cases laban kay VP Sara.

Matapos ito ng isinagawa nilang apat na pagdinig sa pagsusuri ng mga ebidensyang laban kay VP Sara mula noong Marso 25, Abril 14, Abril 22, at Abril 29, tungkol sa mga bank record, reklamo tungkol sa paglabag niya sa public trust, graft, at iba pa.

KAUGNAY NA BALITA: VP Sara, 'di ulit sumipot sa pagdinig ng House Committee on Justice

Ayon naman sa inupload na video ng Duterte supporter na si Alvin Sarzate sa kaniyang YouTube channel sa panayam niya kay Kitty noong Miyerkules (araw sa The Hague, Netherlands), Abril 29, 2026, sinabi ng huli na hindi pa raw niya sinasabi sa tatay niyang si dating Pangulong Rodrigo Duterte ang pag-usad ng impeachment cases laban kay VP Sara sa Kongreso.

“I haven’t discussed that with my father because we don’t add to his burdens. With that naman I don’t want to comment on the political side of it,” pagsisimula niya.

Ani Kitty, kilala raw niya ang kaniyang kapatid at alam niyang hindi ito magnanakaw at sinungaling.

“I know my sister. I know that she can be many things but she’s not a thief [and] she’s not dishonest,” diin niya.

Pagpapatuloy pa niya, alam daw niyang kayang panindigan ni VP Sara ang pinagdaraanan nito ngayon dahil alam umano nito ang katotohanan.

“I know that she can withstand what she’s going through right now she has her truth and in the end, that will prevail” pagtatapos pa niya.

Samantala, habang sinusulat ito, wala pa namang inilalabas na pahayag, tugon, o reaksyon si VP Sara at ang kampo niya kaugnay sa pag-usad ng impeachment cases laban sa kaniya.

KAUGNAY NA BALITA: 'Magreklamo na sila!' Rep. Luistro, bumanat sa kampo ni VP Sara

KAUGNAY NA BALITA: Trillanes kay Pulong: 'Di mo kaya ipaglaban kapatid mo!’

Castro, kinudang si Bato lang nakinabang sa gulo sa Senado!

Idiniin ni Palace Press Officer at Presidential Communications Office (PCO) Usec. Claire Castro na tanging si Sen. Ronald “Bato” dela Rosa lang daw ang nakinabang sa naganap na kaguluhan sa Senado noong gabi ng Mayo 13, 2026. Matatandaang nagulantang ang publiko noong Miyerkules, mayo 13, dahil sa umalingawngaw na magkakasunod na putok ng baril sa Senado mula sa mga miyembro ng Office of the...

WHO, nababahala sa ‘scale and speed’ ng Ebola outbreak; 134 suspected deaths naitala

Nagpahayag ng pagkabahala ang World Health Organization (WHO) matapos ang tila “scale and speed” ng Bundibugyo type Ebola outbreak sa bansang Congo, kung saan 134 ang naitalang suspected deaths at 500 naman ang suspected cases. Ayon sa mga ulat, nauna nang kumalat ang virus at hindi agad na-detect nang ilang linggo—na nagresulta na sa pagkasawi umano ng healthcare workers at ilang...

VP Sara sa mga hukbong dagat: 'Manatili kayong tapat!'

Nagpaabot ng mensahe si Vice President Sara Duterte para sa pagdiriwang ng Araw ng Hukbong Dagat ng Pilipinas. Sa latest Facebook post ni VP Sara nitong Miyerkules, Mayo 20, binati niya ang Philippine Navy sa ilang dekadang paglilingkod at katapatan ng mga ito. Aniya, “Binabati ko ang ating Philippine Navy sa inyong ilang dekadang serbisyo at katapatan. Higit sa lahat, kinikilala ko ang inyong...