Napag-usapan ang pagiging mountaineer ni Kapuso star Yasser Marta nang bumisita siya sa “The Boobay and Tekla Show” kasama ang nililigawang si Kate Valdez noong Linggo, Oktubre 1.
Sa isang bahagi kasi ng show, may binasang X (na dating Twitter) question ang host na si Boobay tungkol sa naakyat na bundok nina Yasser at Kate.
“Mahilig pong umakyat ng bundok si Yasser. Nakasama na ba niya sa pagha-hike si Kate at anong bundok na ang naakyat nila together?”
“Well, noong ano, umakyat kami…March. Sa San Mateo. Sa Mount Oro,” sagot ni Yasser.
Archdiocese of Manila, hindi mag-eendorso ng kandidato sa eleksyon
Kuwento pa ng aktor, naka-motor lang umano silang pumunta sa lugar habang angkas si Kate at nakayakap sa kaniya.
“Ito naman, Yasser, tuloy ba ‘yung plano mong pag-akyat sa Mount Everest?” tanong naman ni Tekla.
“Well, baka 2024 pa naman. 2024 o 2025. Ngayon kasi naka-focus din talaga sa…Eat Bulaga araw-araw.”
Nauna nang banggitin ni Yasser ang tungkol sa posibilidad ng pag-akyat niya sa Mount Everest noong Pebrero sa programang “Amazing Earth”.
Kasalukuyan naman siyang miyembro ng boy group na Chaleco Boys ng “Eat Bulaga” kasama ang kaniyang mga kapuwa host na sina Kimpoy Feliciano, Michael Sager, at Kokoy De Santos.
