Palaisipan sa mga netizen kung ano raw ang ibig sabihin ng makahulugang Instagram post ng Kapuso actress na si Carla Abellana na mula sa quotable lines ng British writer na si C.S. Lewis.
Mababasa sa kaniyang caption kalakip ang kaniyang mga larawan, "There are far, far better things ahead than any we leave behind. -C.S. Lewis."
Pinuri naman ng mga netizen ang pagkaganda-ganda niyang mga larawan na isa raw sa magaganda talaga sa mundo ng showbiz.
Ngunit sa ulat ng Fashion Pulis, marami ang humuhula kung ano raw ang nais ipahiwatig nito.
50.78% examinees, pasado sa Nov. 2024 Licensure Exam for Agriculturists
Tungkol daw ba ito sa tuluyang paghihiwalay nila ng legal ng estranged husband na si Tom Rodriguez, o sa umiikot na tsikang may posibilidad na lisanin niya ang GMA Network na naging tahanan niya sa mahabang panahon at subukin naman ang kapalaran sa ABS-CBN?
May kumakalat kasing tsikang tatapusin na lamang daw ni Carla ang "The Stolen Life" na upcoming series nila sa panghapong slot ng GMA Network kasama sina Gabby Concepcion at Beauty Gonzalez.
Ngunit sa lahat ng alingasngas na ito ay nananatiling tikom ang bibig ni Carla o maging ang kaniyang manager.
Going back sa post ni Carla, sa isang netizen ang nagsabing sana raw ay manatili siya sa GMA.
"Sana Mag stay ka sa GMA ❤️❤️❤️," komento ng isang netizen.
Samantala, sa ulat naman ng FP ay pinag-usapan ng mga netizen ang tungkol intrigang may lipatang magaganap. May mga humuhulang baka ang hugot dito ng aktres ay sa naunsyaming relasyon. O baka nga sa napipintong network transfer daw.
"Baka finalize na ang divorce?"
"magaling sya nsasayang sya sa gma"
"Of course Carla. Baka kasi stuck ka na sa past mo. Try to explore and learn new things. You’ll realize madami palang option. Mag aral ka. O kaya magluto luto. Ubusin mo pera mo sa travel. Once you do this wala ka na time para mag isip kasi you are busy."
"Baka nga lilipat na siya finally or pwede din about sa ex husband."
"Tagal na ng ugong nyan so likely true. Isang dahilan daw nyan ay pabalik na si X sa Home Channel."
"Promo lang kasi may bagong serye with gabby and beauty."
Matatandaang sa naging panayam ni Carla sa vlog ng kapwa Kapuso star na si Bea Alonzo, nabanggit ni Carla na naisip na niya noon ang tungkol sa network transfer.
MAKI-BALITA: Carla, natanong ni Bea kung naisip ‘lumipat ng bakod’
Samantala, wala pang tugon, reaksiyon, o pahayag si Carla tungkol dito. Bukas ang Balita sa kaniyang panig.
