DepEd: Enrollees para sa SY 2023-2024, nadagdagan pa!

By Mary Ann Santiago

September 15, 2023

In BALITA

Iniulat ng Department of Education (DepEd) na nadagdagan pa ang bilang ng mga mag-aaral na nagpatala para sa School Year 2023-2024.

Batay sa huling datos mula sa Learner Information System (LIS) para sa SY 2023-2024, nabatid na hanggang alas-2:00 ng hapon ng Setyembre 14, 2023, ay umaabot na sa 26,854,731 ang kabuuang bilang ng mga estudyante na nagparehistro para sa bagong taong panuruan.

Kabilang dito ang mga mag-aaral na nagpatala sa public at private schools, gayundin sa state universities and colleges (SUCs) at local universities and colleges (LUCs).

Pnakamarami ang nakapagpatala sa Region IV-A (Calabarzon) na umabot sa 3,909,428; Region III (National Capital Region) na may 2,955,094 enrollees at National Capital Region (NCR) na may 2,766,467 enrollees.

Samantala, ang Alternative Learning System (ALS) ay nakapagtala ng 328,515 mag-aaral.

Ang SY 2023-2024 ay nagbukas na noong Agosto 29, 2023.

Tiniyak naman ng DepEd na patuloy silang tatanggap ng enrollees hanggang sa katapusan ng Setyembre upang matiyak na lahat ng batang nais mag-aral ay makakapasok sa mga paaralan.

Ex-Pres. Rodrigo Duterte, tatakbong mayor sa Davao City; ayaw tumakbong senador?

Sa kabila ng mga panghihikayat na tumakbong senador sa 2025 midterm elections, inanunsyo ni dating Pangulong Rodrigo Duterte na tatakbo siyang mayor ng Davao City, habang ang anak naman niyang si incumbent Mayor Sebastian 'Baste' Duterte ay tatakbong vice mayor.Sinabi rin ni Duterte na posible umanong maging ka-tandem niya si Baste. Kaugnay sa usaping politika, binanggit din ng dating...

COC Filing Day 5: Mga naghain ng kandidatura ngayong Oktubre 5

Naglabas ng listahan ang Commission on Elections (Comelec) ng senatorial candidates at party-list groups na naghain ng kanilang certificate of candidacy (COC) at certificate of nomination and acceptance (CONA) ngayong Sabado, Oktubre 5, ang ikalimang araw ng filing.Ngayong araw, 12 kandidato sa pagkasenador ang naghain ng COC, habang 23 party-lists ang naghain ng kanilang CONA.SENATORIAL...

Ben Tulfo sa pagtakbo rin niya bilang senador: ‘This is another Tulfo’

Sa kaniyang pagtakbo bilang senador, inihayag ng veteran broadcaster na si Ben Tulfo ang kaniyang kaibahan sa kaniyang mga kapatid na sina Senador Raffy Tulfo at kapwa senatorial aspirant Erwin Tulfo.Nitong Sabado, Oktubre 5, nang maghain si Ben ng kaniyang certificate of candidacy (COC) sa The Manila Hotel Tent City.Sa pagharap sa media ay tinanong ang beteranong broadcaster kung ano ang kaniyang...