Sinagot ni “Parokya Ni Edgar lead vocalist” Chito Miranda nitong Biyernes, Setyembre 15, ang mga basher ng kaniyang negosyanteng asawang si Neri Miranda kaugnay sa ₱1000 weekly meal plan ng huli.

Ikinuwento ni Chito sa kaniyang post kung paano nagsimula ang ₱1000 weekly meal plan ni Neri. 

Ayon sa kaniya, katuwaan lang naman umano iyon noong una. Pero noong huli, naisip umano ng kaniyang asawa na magiging kapaki-pakinabang pala ‘yon.

₱1K weekly meal plan ni Neri Miranda, hindi ‘wais’ sey ng netizens

“A few weeks ago, Neri came up with a weekly meal plan, for a family of 2-4, working with a budget of only P2k. It was mostly for fun, but she also thought that it can be useful for those who might want to use it as a guide.😊👍🏻” pahayag ni Chito.

“Meals were cheap but relatively healthy, and consisted mostly of vegetables. The ‘pork sinigang’ was mostly kangkong and sinigang mix, with a few strips of pork. It was detailed, and had the proper costing to back it up. She did the math,” dagdag pa niya.

Hanggang sa mabanggit umano ni Neri kay Chito na gusto naman nitong i-try ang ₱1000 weekly meal plan.

“Soon enough, she was able to come up with one, and kahit madaling araw na, she eagerly shared it with her followers (and again, madaming natuwa at nagpasalamat)

“...and since it was intended for those who already knew what she was doing, she made the crucial mistake of not filling in the details.”

At dahil nga kulang sa detalye ang inilatag na weekly meal plan ni Neri at nabasa iyon ng ilang hindi naman malay sa ginagawa niya ay na-bash ito.

“Grabe diba? Naisip lang naman ng asawa ko na baka sakaling makatulong yung meal plan nya sa mga tao that might find it useful, na-bash pa sya ng mga taong hindi naman nakasubaybay kung bakit ginagawa nya yung meal plan.💔

“Anyway, for those who knew what Neri was doing, ayusin nya lang daw muna yung details para mas maging helpful yung guide nya.

“For those who got angry and threw stones without knowing the details of what she was doing, good job sa inyo...your comments say more about your character than the person you are commenting on. Peace and good vibes to you too.❤️”

Sa kasalukuyan, burado na sa Facebook page ni Neri ang nasabing post.