Apat na miyembro ng communist terrorist group ang dinakip ng pulisya sa dalawang araw na operasyon sa Oriental Mindoro at Rizal kamakailan.

Ang mga inaresto ay sina Eric Cardenas Baltazar, Nancy Angeles Bautista, Valentin Cruz Tolentino at Leonor Taguinod Dumplao.

Naunang naaresto sina Baltazar at Bautista sa Brgy. Aninuan, Puerta Galera, Oriental Mindoro sa bisa ng warrant of arrest na inilabas ni Judge Maria Cecilia I. Austri-Chua, Executive Judge ng Regional Trial Court, Branch 2, Batangas City nitong Agosto 1, 2023.

Probinsya
Catanduanes, niyanig ng magnitude 6.1 na lindol

Catanduanes, niyanig ng magnitude 6.1 na lindol

“Si Baltazar ay Vice Commanding Officer at Security Officer ng National Tax Implementing Group (NTIG) at Deputy Secretary at Central Office Staff (COS) ng National Finance Commission (NFC) habang si Bautista ay miyembro ng KomTek ng NFC at Deputy Secretary Team Visayas, NTIG and COS,” sabi ni Criminal Investigation and Detection Group (CIDG) Director, MGen Romeo Caramat Jr.

Dinampot naman sina Tolentino at Dumplao sa Rizal nitong Agosto 11 dakong 6:20 ng umaga.

Inihahanda na ng patung-patong na kaso laban sa apat matapos masamsaman ng mga baril.