Ibinahagi ng actress-host na si Mariel Rodriguez-Padilla sa kaniyang panayam sa “Fast Talk with Boy Abunda” ang mga napagtanto niya sa buhay-may asawa.
Sa pagbabalik live guesting ni Mariel, naitanong sa kaniya ng TV host na si Boy Abunda kung ano ang mga nadiskubre nito sa buhay-may asawa.
VP Sara sinabing si Romualdez ang gustong pumatay sa kaniya
Nabanggit ng misis ni Senador Robin Padilla na work in progress ang pag-wo-workout ng marriage.
“I realized that you get married because you’re in love. Mahal n’yo ‘yung isa’t isa, ‘yon ang magdadrive sa inyo na magpakasal. Pero to stay in the marriage, to be loyal and faithful in the marriage, you want to make that happen. It’s a work and you guys both make it happen… so that the marriage will last and continue,” sey ni Mariel.
Dagdag pa niya, “Hindi siya ‘yung parang sa umpisa… totoo ‘yung butterflies and rainbows… matatapos ‘yun but ‘yung everyday na magkasama kayo that is a choice that you make.”
Kasunod nito, nagtanong pa si Tito Boy kung ano ang nadiskubre ni Mariel sa kaniyang sarili.
“We understand that, ‘yung work in progress. But ano yung nadiskubre mo tungkol sa sarili mo na ‘kaya ko pala ito’ na noong hindi ka pa nagpapakasal ay hindi mo alam,” anang host.
Sa naging sagot ni Mariel, tila ibinida niya ang kaniyang mister dahil talagang hindi raw siya hinayaang mahirapan nito.
“To tell you the truth, Robin doesn’t make it difficult for me. I wanna say nice things like ‘na you do this kaya mo pala, ganito pala ‘yun, gaya mo pala mag-ano.' But you know, honestly speaking, Robin doesn’t make it difficult for me. I know that [for] many that’s difficult to believe because of how he was before,” ani Mariel.
“But I was so blessed because when I married him ready na siya to really commit himself in the marriage lalo na now, what I discovered about Robin, siya pala ‘yung fun one. Akala ko kasi ako ‘yung fun eh. Like you think ako ‘yung fun but no. Robin was the one who’s spontaneous, Robin was the one who will do whatever kapag sinabi ng mga bata… si Robin pala ‘yung gano’n. Ako pala ‘yung ‘stop doing that…’ ako pala ‘yung gano’n which I didn’t think na I would be,” kuwento pa niya.
Samantala, isa raw sa mga gusto ni Mariel kay Robin ay ang pagiging “considerate” nito at ang ayaw niya naman ay ang pagiging “too generous” nito.
Ikinasal sina Mariel at Robin noong Agosto 2010.
