Nasa 5.3 milyong indibidwal ang naayudahan na ng Department of Social Welfare and Development (DSWD) sa unang taon ng administrasyon ni Pangulong Ferdinand Marcos, Jr.

Paliwanag ng DSWD, ang naturang bilang ay natulungan nila sa ilalim ng Assistance to Individuals in Crisis Situation (AICS) program ng ahensya.

Nilinaw ng ahensya, mula Hulyo hanggang Disyembre 2022 na unang anim na buwan ng Pangulo, naitala nila ang 3,474,575 indibidwal na naging benepisyaryo ng programa.

National
Nancy Binay, nilinaw na 'di kaaway ang kapatid na si Abby: 'Pamilya pa rin kami!'

Nancy Binay, nilinaw na 'di kaaway ang kapatid na si Abby: 'Pamilya pa rin kami!'

"For 2023, the DSWD has already recorded a client volume of more than 1.8 million as of June, which is significantly higher compared to the same period last year," ayon sa Facebook post ng ahensya nitong Huwebes.

Binigyang-diin naman ni DSWD Spokesperson, Assistant Secretary Romel Lopez, mataas ang nasabing bilang (5.3 milyon) kung ikukumpara ang datos ng ahensya sa nakalipas na limang taon.

Aniya, nitong 2018 hanggang 2022, umabot lamang 2.4 milyong indibidwal ang naayudahan kada taon.

“In 2022 alone, the DSWD facilitated the request for various types of assistance from more than 5.3 million individuals who experienced unexpected crises such as illness or death of a family member, natural and man-made disasters, and other emergencies,” banggit ng opisyal.