Hinimay ng talk show host na si Cristy Fermin at ng kaniyang co-hosts na sina Romel Chika at Wendell Alvarez ang tungkol sa pinakabagong balita kaugnay sa lagay ng aktor na si Awra Briguela.
Sa latest ">YouTube video na Showbiz Now Na nitong Lunes, Hulyo 17, sinabing nabigyan na raw ng ultimatum si Awra ng kaniyang “Meme” at tumatayo ring manager na si Vice Ganda.
Hindi na nagpatumpik-tumpik ang co-host na si Romel at sinabing nabigyan na ng ultimatum at pinatahimik na ni Vice si Awra.
“Pero ito ang narinig natin. Binigyan na ng ultimatum at talagang pinatahimik ni Vice Ganda ng kaniyang manager si Awra,” aniya.
VP Sara, tahasang iginiit na hindi niya binoto si Romuadlez
Humanga naman si Cristy nang malaman niyang nagbigyan na raw ng ultimatum ni Vice ang alagang si Awra.
“Alam mo sa totoo lang, noong malaman ko na talagang binigyan ng ultimatum ni Vice Ganda si Awra Briguela bilang alaga niya, humahanga ako kay Vice kasi alam mo ‘yong tao na kahit kung minsan may mga ginagawang palso na hindi mo gusto, kapag gumagawa ng tama, talagang hahangaan mo at sasaluduhan mo. Dapat lang na ganoon ‘di ba,” ani, Cristy.
“Saka hindi niya binigyan ng isang pagkakataon, kundi binigyan niya ng ultimatum,” sey naman ni Wendell.
“Para magtanda, para magkaroon ng leksyon, kasi lumalabis eh, kapag lumalabis, kahit naman ang ano, ‘di ba kinakalos,” dagdag pang chika ni Cristy.
May hirit din si Romel kay Awra sa pagsasabing malaki na raw talaga ang ulo nito at binago siya ng kaniyang kasikatan.
“Ang laki na talaga ng ulo ni Awra. Sayang, binago siya ng kaniyang kasikatan,” aniya.
Sa huli, inihayag pa ni Cristy na sinayang umano ni Awra ang lahat na siyang pinapangarap ng karamihang gustong masinagan ng camera.
“Lahat ay nasayang kay Awra. Ito ‘yong pinapangarap ng mga nag-o-audition, mga kababayan natin na sana magkaroon sila ng pagkakataon na masinagan ng camera, sinayang ni Awra Briguela ng dahil lamang sa pagiging palalo at pakikipagbarkada,” huling sey ni Cristy.
Sa kabilang banda, hindi naman sinabi ng source ni Cristy sa kaniya kung patuloy raw ba na aalagaan ni Vice si Awra o tuluyang bibitawan na.
Matatandaan namang nadulas si Ogie Diaz matapos niyang mabanggit na magkakaroon daw ng meeting sina Vice Ganda at Awra Briguela kasama rin ang tatay nitong si Oneal Brian.
