Kinagiliwan ng netizens ang beauty queen-TV host na si Mary Jean Lastimosa sa kaniyang ginawang paandar na tila “magsha-sharon” ng pagkain.
Sa Facebook post ni MJ nitong Hulyo 16, 2023, makikita sa video ang nakatutuwang paglabas niya ng isang supot sa kaniyang bag para ibalot ang tira niyang pagkain sa pinggan.
Sa kabila nito, game na game pa siyang ini-lip sync ang kantang “Bituing Walang Ningning” ni Megastar Sharon Cuneta na maririnig ang famous lyrics pagdating sa mga handaan na, “Balutin mo ako.”
Mukhang wapakels naman sa ibang taong naroon si MJ na mapapansing tuwang-tuwa talaga sa kaniyang kwelang paandar sa nasabing video.
Sharon, na-ooffend nga ba kapag binabanggit ang pangalan sa handaan?
“Mareng Merijin no more, say hi to Mareng Shawie,” mababasang caption sa kaniyang Facebook post.
Samu’t saring komento naman ng netizens ang mababasa sa comment section:
“BALUTIN MO AKO NG PAGMAMAHAL.”
“Kagandang babae may dalang sando bag.”
“Merijin lang sakalam!!!”
“Tama yarn para di na magluto bukas.”
“I love that so natural..sharon na sharon.”
“Nag sharon si mareng MJ!”
“Mj never fails to give us a good dose of humor.”
Hindi naman malinaw kung itinuloy ni MJ ang pagbalot ng natirang pagkain sa kaniyang pinggan.
Sa kabilang banda, tinagurian namang “Sharon” ang naging katawagan sa “pagbalot ng pagkain sa handaan” dahil sa kantang “Bituing Walang Ningning” ni Megastar Sharon Cuneta na kinuha ang famous lyrics na, “Balutin mo ako” na ibig-sabihin, ibalot na ang pagkain o i-take-out na.
May sey naman si Sharon sa paggamit ng kaniyang pangalan para sa pagbalot ng pagkain sa mga handaan.
?fbclid=IwAR2ZFW8d6XMy9wryTdnemmk5zHl3tehCAbjVEdQ1nmN4tccM5It_2OdQysM
