Isang mananaya na taga-National Capital Region (NCR) ang nanalo ng ₱7.6 milyong jackpot sa Lotto 6/42 draw nitong Sabado ng gabi.
Ito ang inanunsyo ng Philippine Charity Sweepstakes Office (PCSO) nitong Linggo. Gayunman, hindi na idinitalye ang pagkakakilanlan ng nanalo.
Pagdidiin ng PCSO, nahulaan ng mananaya ang six-digit winning combination na 03-28-12-26-08-21 ng kanilang Lotto 6/42 na binola dakong 9:00 ng gabi ng Sabado.
National
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Ang premyo nito ay aabot sa ₱7,656,441.80.
Nabili ang winning ticket sa Tondo, Maynila, ayon sa PCSO.
Ang Lotto 6/42 ay binubola ng PCSO tuwing Martes, Huwebes at Linggo
Kaugnay nito, pinayuhan ng PCSO ang solo winner na magtungo sa kanilang main office sa Mandaluyong City upang makubra ang premyo na kakaltasan ng 20 porsyentong buwis alinsunod na rin sa Tax Reform for Acceleration and Inclusion (TRAIN) Law.
