Nag-guest ang cast ng “Unbreak My Heart” na sina Jodi Sta. Maria, Gabbi Garcia, Joshua Garcia, at Richard Yap sa premiere episode ng It’s Showtime sa GTV nitong Sabado, Hulyo 1.
Kasama sa stage ay inawit naman ng isa pang guest ng It’s Showtime na si Kapuso singer Christian Bautista ang official soundtrack ng series na “You Are Everything.”
Matapos ang performance, sabay-sabay na bumati sina Jodi, Gabbi, Joshua at Richard ng “What’s Up, Madlang People” at pinromote ang kanilang palabas.
“Hello, Madlang People! Hello, mga Kapamilya at mga Kapuso. Finally, nandito na tayong lahat,” saad pa ng Kapuso star na si Gabbi.
Ex-Pres. Rodrigo Duterte, tatakbong mayor sa Davao City; ayaw tumakbong senador?
“Bago na ang pangalan natin, ‘KapaPuso’ na,” biro naman ni Richard na dating ABS-CBN artist.
Ang Unbreak My Heart” ay ang kauna-unahang collaboration project umano ng GMA Network at ABS-CBN.
MAKI-BALITA: ‘Unbreak My Heart!’ GMA, ABS-CBN, at Viu, sanib-puwersa sa isang collab
Bukod kina Richard at Gabi, nag-guest din sa It’s Showtime at nagtanghal sa opening production sina Kapuso stars Barbie Forteza, Sanya Lopez, Mark Bautista, Rayver Cruz at Rodjun Cruz.
MAKI-BALITA: It’s Showtime, umere na sa GTV; Opening prod kasama Kapuso stars, pasabog!
Naging special judges din naman sina Christian at Mark sa grand finals ng “Tawag ng Tanghalan: Duets.”
MAKI-BALITA: Marielle Montellano at JM dela Cerna, itinanghal na ‘TNT Duets’ champions
