Santiago City, Isabela -- Patay ang 35-anyos na lalaki at back ride nito sa banggan ng isang motorsiklo at provincial bus sa Maharlika Highway, Purok Nieto, Baranagay Batal dito noong Linggo.
Iniulat ng Police Regional Office 2 na dakong 11:15 ng gabi, nangyari ang aksidente na kinasasangkutan ng Yamaha Mio Sporty motorcycle at isang Multicolor Hino Truck Florida bus.
Kinilala ang drayber ng motorsiklo na si Reymond Pepe Pascua Martin, taga Purok 3, Brgy. Santa Monica Echague, at back rider nitong si Chris Richer Gante.
Kinilala rin ang drayber ng bus na si Frederico Billen Cunanan, residente ng Sineguelas St. Barangay Tanza, Tuguegarao City.
Catanduanes, niyanig ng magnitude 6.1 na lindol
Batay sa inisyal na imbestigasyon, ang mga nabanggit na sasakyan ay bumibiyahe sa magkaibang direksyon.
Ang motorsiklo ay patungo sa Barangay Divisoria at ang bus naman ay patungong city proper.
Nakapasok umano ang bus sa kabilang lane at nabangga umano ang motorsiklo na sinasakyan nina Martin at Gante.
Nagtamo ng malubhang pinsala ang dalawa na naging sanhi ng kanilang agarang pagkamatay.
Samantala, patuloy pa rin ang imbestigasyon, ayon kay PSSg. Bienvinido C. Seredio Jr..
