Usap-usapan ngayon ang pagsagot ni Christian Merck Grey o mas kilala bilang "Makagwapo" kay Marlou Arizala o "Xander Ford" hinggil sa mga nasabing nitong hindi siya tumupad sa usapan nilang sasagutin niya ang kalahati ng pagpapabinyag ng anak niyang si Baby Xeres, at karagdagang ₱349k bilang pakimkim.
Matatandaang noong binyag ng anak niya, naglitanya ng sama ng loob si Xander laban sa mga taong nangakong pupunta sa binyag ng anak, subalit hindi naman nagpakita sa mismong aktwal na seremonya.
Isiniwalat sa posts ni Xander na ang pinariringgan niya ay si Makagwapo na nangakong paluluwalan daw ang kalahati ng gastos sa binyaga ni Baby Xeres, at bukod dito, bibigyan pa nga ng nabanggit na halaga ng pera.
Sa kaniyang latest Instagram post, makikitang kasama ni Xander ang vlogger na si Awitgamer at nagpapatulong dito upang makausap nang personal si Makagwapo at matapos na ang problema nilang pinagpipiyestahan sa social media.
DOH, nakapagtala ng 17 firework-related injuries sa loob lamang ng 24 oras
Sa Facebook Live naman ni Makagwapo ay sinagot niya si Marlou/Xander. Aniya, natatawa raw siya kay Marlou dahil ngayon lang daw siya nakakita ng tatay na nagpabinyag pero wala naman palang perang panggastos para dito.
"Una sa lahat, tawang-tawa ako kay Marlou… ikaw lang yung kilala kong tatay na nagpabinyag na wala palang pampabinyag tapos kumuha ng maraming ninong para masalo yung pampabinyag… 'tol, hindi kasi yun ganun…," ani Makagwapo.
Bilang tatay, alam na Makagwapo na responsibilidad ng mga magulang ang mga ganitong yugto sa buhay ng kaniyang anak.
"Ako, kaya kong ibigay lahat ng mga pangangailangan ng anak ko, hindi na para ipagyabang sa social media kasi ako kasi, hindi mo kasi ako katulad eh. Kumbaga ako, kapag ako nagpabinyag hindi ko na i-asa sa iba… hindi para kumubra ako sa mga ninong ng anak ko…
Pagkatapos nito, nilinaw ni Makagwapo ang kaniyang panig. Aniya, wala raw siyang ipinangako kay Marlou tungkol sa binyag ng anak nito.
"Wala talagang ipinangako ro'n," ani Makagwapo.
Totoo naman daw na nagkausap sila ni Marlou. Sinabi raw ni Marlou na magpapabinyag na siya ng anak, at ang sabi raw ni Makagwapo, "Sige, gusto mo sagutin ko pa binyag ng anak mo eh…" Ito raw ay biro o "payabangan" lamang at wala siyang sinabing tototohanin ito. Hindi raw akalain ni Makagwapo na seseryosohin ni Marlou ang biro niya.
"Tingnan n'yo, walang mailabas na screenshot si Kumag na may ipinangako ako," sey pa ni Makgawapo.
"Bro, una sa lahat wala akong ipinangako sa'yo. Pangalawa, nakakatawa yung style mo. ₱349k… nagbutal ka pa, hindi mo pa ginawang ₱350k. Ano yung binyag ng anak mo, kasal?"
Nang makita raw niya ang mga litrato sa binyagan, palagay raw niya ay hindi iyon worth ₱349k.
"Hindi naman ako ipinanganak kahapon," sey pa ni Makagwapo.
Isa pa, hindi raw siya invited sa binyag ng anak ni Marlou.
"Hindi mo nga 'ko inimbitahan tapos gusto mo sagutin ko ang binyag ng anak mo?"
Panghuling mensahe ni Makagwapo kay Marlou, "Kung wala kang pangyabang sa anak mo, huwag mo nang ituloy. Hindi ko responsibilidad ang anak mo, responsibilidad mo 'yan, ang ninong eh magbigay o hindi, responsibilidad mo 'yan. Kaya ka dapat kumuha ng ninong para gabayan anak mo hindi para sa pera."
Samantala, wala pang tugon, reaksiyon, o pahayag si Marlou/Xander tungkol sa mga nasabi ni Makagwapo.
