Niyanig ng magnitude 5.8 na lindol ang probinsya ng Isabela nitong Huwebes ng umaga, Mayo 4, ayon sa Philippine Institute of Volcanology and Seismology (Phivolcs).
Sa tala ng Phivolcs, nangyari ang lindol na tectonic ang pinagmulan bandang 8:49 ng umaga.
Namataan ang epicenter nito 15 kilometro ang layo sa hilagang-silangan ng Maconacon, Isabela, na may lalim na 42 kilometro.
Naramdaman ang Intensity V sa Penablanca, Enrile, at Tuguegarao City, CAGAYAN.
50.78% examinees, pasado sa Nov. 2024 Licensure Exam for Agriculturists
Itinaas naman sa Intensity IV ang City of Batac, ILOCOS NORTE, habang Intensity II sa Pasuquin, Bacarra, at City of Laoag, ILOCOS NORTE.
Naitala ang instrumental intensities sa mga sumusunod na lugar:
Intensity V - Penablanca, CAGAYAN
Intensity IV - Gonzaga, CAGAYAN
Intensity III - Ilagan, ISABELA
Intensity II - Casiguran, AURORA; Pasuquin, Laoag City, Batac, ILOCOS NORTE; Vigan City, ILOCOS SUR; Santiago City, ISABELA; Tabuk, KALINGA; Madella, QUIRINO
Intensity I - Bangued, ABRA; Diapaculao, Baler, AURORA; Narvacan, ILOCOS SUR; Bayombong, NUEVA VIZCAYA
Pinag-iingat ng Phivolcs ang mga residente sa posibleng aftershocks.
Hindi naman umano inaasahang magdudulot ng pinsala ang nasabing pagyanig.
