Habang kaliwa’t kanan ang tinatamong pambabatikos ng nagpakilalang motivational speaker at online personality na si Rendon Labador sa isyu nito laban kay Coco Martin, naniniwala naman gayunpaman ang talent manager na si Ogie Diaz na matalinong tao ito.
Ito ay matapos maging usapan sa Showbiz Update segment ang naging litanya nito sa social media kamakailan matapos personalin na umano ng fans ng aktor dahilan para sa hindi kaaya-ayang sales umano ng kaniyang negosyo.
“Naku, Mama Loi, baka ginagamit lang niya so Coco Martin para ma-curious dun sa bar niya,” hirit ni Mrena.
Asoka ni Andrea Brillantes, inokray: 'Sobrang late na!'
Depensa ni Ogie: “Ako ha, naniniwala akong matalino si Rendon. Parang ganito ang kaniyang anggulo to promote ‘yung business niya.”
Naniniwala rin ang talent manager na istilo lang umano nito ang kaniyang imahe online para lalong tangkilikin o sundan ng mga tao.
“‘Di lang naman siguro siya ang nag-iinvite. Marami naman siguro siyang mga friends at mga business partners din siya na guests noong araw na ‘yun,” paggatong ni Mama Loi.
Samantala, nauna nang napabalita nitong Lunes na nagsara na agad ang kabubukas lang na bar ng online personality.
Basahin: ‘Simbilis ng weekend’: Bagong bukas na resto ni Rendon, isinara – Balita – Tagalog Newspaper Tabloid
Sunod namang naungkat nga ang patuloy na pagtira ni Rendon laban sa “Ang Batang Quiapo” star.
“Ito naman si Coco Martin, hindi naman pumapatol masyado. Parang bising-bisi masyado si Coco para patulan pa o sagutin pa ‘yung mga hanash ni Labador,” sey ni Ogie.
Paghirit muli ni Mrena, ‘di kaya’y ginagamit nga lang ni Rendon ang Kapamilya star para sa personal na mga benepisyo?
“Pwedeng ganon nga. Pero ‘di natin alam kung ano rin ang laman ng puso ni Labador o kung ano naman ang laman ng utak,” pagpapatuloy na gatong ng talent manager na napansin din ang aktibong pamba-bash sa online personality na tila hindi naman binubura o tinatanggal sa kaniyang verified page.
“Siguro ini-enjoy din lang niya ‘yun. Siguro ‘yung engagement ng mga tao sa kaniyang mga post ay natutuwa siya,” ani Ogie.
Prangka niyang sunod na sabi: “Kung ako manager ni Coco ah. I will not let Coco talk about this nor dignify this issue by giving comment sa mga post ni Rendon.”
Sa huli, sinabi naman nina Mama Loi at Ogie na hindi anila mapagtanim ng sama ng loob si Coco gayunpaman.
“Si Coco magagalit lang talaga ‘yun, ‘pag sinasadya mo talagang galitin siya at ipisikal siya,” anang talent manager.
