Niyanig ng magnitude 5.9 na lindol ang probinsya ng Davo de Oro nitong Martes ng hapon, Marso 7, ayon sa Philippine Institute of Volcanology and Seismology (Phivolcs).
Unang naiulat ng Phivolcs na magnitude 6.2 ang naging pagyanig, ngunit ibinaba ito ng ahensya sa magnitude 5.9 sa kasunod na update na inilabas nito.
Sa tala ng Phivolcs, nangyari ang nasabing lindol na tectonic ang pinagmulan kaninang 2:02 ng hapon.
Namataan ang epicenter ng lindol 13 kilometro ang layo sa hilagang-kanluran ng Maragusan, Davao de Oro, na may lalim na 34 kilometro.
Nancy Binay, nilinaw na 'di kaaway ang kapatid na si Abby: 'Pamilya pa rin kami!'
Naramdaman ang Intensity V sa Nabunturan, Davao de Oro, habang Intensity IV naman sa City of Tagum, Davao del Norte.
Samantala, naitala ang Instrumental Intensities sa mga sumusunod na lugar:
Intensity V - Nabunturan, Davao de Oro
Intensity III - Davao City, Davao Del Sur; Malungon, Sarangani; Tupi, South Cotabato
Intensity II - Cabadbaran City, Agusan del Norte; Talakag, Malaybalay, Bukidnon; Magpet, Kidapawan City, Carmen, Banisilan, Cotabato; Abuyog, Leyte; Alabel, Sarangani; Koronadal City, South Cotabato; Bislig City, Surigao del Sur
Intensity I - Kadingilan, Bukidnon; Don Marcelino, Davao Occidental; Kapatagan, Lanao del Norte; Baybay at Dulag, Leyte; Cagayan de Oro City, Misamis Oriental; Kiamba, Sarangani; Norala, Suralla, Tantangan, Banga at General Santos City, South Cotabato; Esperanza, Columbio, Isulan at President Quirino, Sultan Kudarat; Surigao City, Surigao Del Norte; Tandag, Surigao del Sur
Ayon sa Phivolcs, inaasahang magkaroon ng pinsala ang nasabing pagyanig.
Pinag-iingat din nito ang mga residente para sa mga posibleng aftershock
