Patok sa netizens ang post ni Vincent Levi Doletin, 36, mula sa Pigcawayan, North Cotabato, tampok ang kaniyang kabaong na ihawan.
Sa panayam ng Balita, ibinahagi ni Doletin na nagpapatakbo siya ngayon ng funeral home business at naisip niyang gawing ihawan ang kabaong noong magsimula ang pandemic.
"Noong pandemic, nauso 'yung coffin dance, doon ko naisip na gumawa ng coffin grill para maiba nman," ani Doletin. "Doon po sa supplier ko sa Pampanga, bigay niya po sa'kin itong kabaong."
Madalas daw na niluluto nina Doletin sa kabaong grill ang baboy, manok, isda at kambing.
LIST: Coffee shops na may promo ngayong International Coffee Day!
For personal use lamang daw ang nasabing unique kabaong grill at hindi raw ginagamit sa kanilang negosyo.
Bagama't hindi sila nagtitinda ng inihaw gamit ang kanilang kabaong grill, naging patok naman ito sa netizens nang i-post niya ito sa Facebook.
"Hindi ko inaasahan na ganito ang kalalabasan. Masaya ako na nag-viral itong coffin grill ko," saad ni Doletin.
Sa ngayon ay umabot na sa mahigit 900 reactions, 500 comments, at 9,600 shares ang naturang post ni Doletin.
