Patuloy na makararanas ng pag-ulan ang malaking bahagi ng bansa ngayong Sabado, Pebrero 25, dahil sa northeast monsoon o amihan at localized thunderstorms, ayon sa Philippine Atmospheric, Geophysical and Astronomical Services Administration (PAGASA).
Sa tala ng PAGASA kaninang 4:00 ng madaling araw, magdudulot ang amihan ng maulap na may kasamang pag-ulan sa Cagayan Valley, Cordillera Administrative Region, at Aurora.
Maaaring magkaroon ng pagbaha o kaya naman ay pagguho ng lupa sa mga nasabing lugar dahil sa katamtaman hanggang sa malakas na pag-ulan.
Samantala, makarararanas ng medyo maulap hanggang sa maulap na may kasamang katamtamang pag-ulan sa Metro Manila and mga natitirang bahagi ng Luzon dahil din sa amihan. Ngunit wala namang inaasahang malaking epekto ang pag-ulan dito.
Ping Lacson, kinilala ambag nina PNoy, PBBM sa estado ng kaso ni Mary Jane Veloso
Magkakaroon naman ng medyo maulap hanggang sa maulap na may panaka-nakang pag-ulan o thunderstorms sa Palawan, Visayas, at Mindanao bunsod ng localized thunderstorms.
Maaari ring maranasan ang pagbaha o kaya naman ay pagguho ng lupa sa mga naturang lugar tuwing magkakaroon ng malakas na thunderstorms.
