OFW na nasawi sa lindol sa Turkey, iuuwi sa bansa

By Balita Online

February 11, 2023

In BALITA National

Iuuwi sa bansa ang labi ng isa sa dalawang overseas Filipino worker (OFW) na nasawi sa7.8-magnitude na pagyanig sa Turkey nitong Pebrero 6.

“As requested by the daughter and with the consent of the husband, the Embassy is arranging the immediate repatriation of the body of Wilma Abulad Tezcan,” pahayag ng Philippine Embassy sa Ankara nitong Sabado.

Gayunman, hindi pa isinapubliko ang pagkakakilanlan ng ikalawang OFW na naiulat na nasawi rin sa pagyanig.

Si Tezcan ay nakapag-asawa ng Turkish at nagtatrabaho sa Istanbul bilang domestic helper.

Huli siyang umuwi sa Pilipinas nitong Disyembre at bumalik sa nasabing bansa nitong Enero 9.

Nitong Pebrero 10, nanawagan ang ama ni Tezcan na si William Abulad kay Pangulong Ferdinand Marcos, Jr. na tulungan silang maiuwi sa bansa ang labi ng anak.

Sa huling tala ng mga awtoridad, mahigit na sa 24,000 ang nasawi sa pagyanig.

Philippine News Agency

PUP nagbukas na rin ng klase para sa female PDLs ng Manila City Jail

Ibinalita ng Polytechnic University of the Philippines Open University System (PUP OUS) na nagsagawa na rin sila ng on-site classes para sa mga babaeng 'Persons Deprived with Liberty (PDLs)' sa Manila City Jail, araw ng Lunes, Setyembre 30.Ayon sa kanilang Facebook page, ang degree program na offer nila sa female PDLs ay Bachelor of Science in Business Administration major in Marketing...

‘Julian,’ palayo na sa Batanes, kumikilos pa-boundary ng PAR – PAGASA

Papalayo na ang bagyong Julian sa Batanes at kumikilos ito patungo sa northwestern boundary ng Philippine area of responsibility (PAR), ayon sa Philippine Atmospheric, Geophysical and Astronomical Services Administration (PAGASA) dakong 5:00 ng hapon nitong Lunes, Setyembre 30.Sa tala ng PAGASA, huling namataan ang sentro ng Typhoon Julian 95 kilometro ang layo sa west southwest ng Itbayat,...

PBBM sa pagkalas ni Sen. Imee sa senatorial lineup niya: ‘That’s fine, that’s her choice’

Inihayag ni Pangulong Ferdinand “Bongbong” Marcos Jr. na ayos lamang sa kaniya ang naging desisyon ng kaniyang ateng si Senador Imee Marcos na kumalas sa kaniyang senatorial lineup at tumindig mag-isa bilang kandidato sa 2025 midterm elections.Sa panayam ng mga mamamahayag nitong Martes, Setyembre 30, sinabi ni PBBM na naiintindihan niya ang hindi pagtakbo ni Sen. Imee sa pagkasenador sa...