Pinataob ng Converge ang Magnolia Hotshots, 111-109, sa 2023 PBA Governors' Cup sa Ynares Center sa Antipolo nitong Linggo ng gabi.
Naka-double-double ang import ng FiberXers na si Jamaal Franklin nang humakot ng 26 points, 13 rebounds, habang ang kakamping sina Maverick Ahanmisi at Alec Stockton ay kumubra ng 22 at 18, ayon sa pagkakasunod.
Napanatili ng Converge ang bentahe hanggang sa fourth quarter, 106-95.
Nagpupumilit pa rin ang Magnolia sa tulong ng import na si Eric McCree na nakakuha pa ng 4-point play mula sa flagrant foul penalty ni Stockton kaya nailapit nito sa 102-106 ang laban.
‘Naka-red alert!’ PSC, dinoble seguridad ni PBBM matapos ‘assassination threat’ ni VP Sara
Nagbanta muli ang Magnolia nang maidikit pa ito sa 111-109 at nasa kanila ang huling possession.
Gayunman, nagmintis ang three-point attempt ni McCree hanggang sa maubos ang oras.
Naka-38 points pa rin si McCree na sinuportahan nina Paul Lee (21 points), at Jio Jalalon (13 points).
