Tatlong Instagram accounts na nagpakilalang si Tricia Robredo, anak ni Angat Buhay Chairperson Leni Robredo, ang pinabulaanan ng doktor.
Ito ang laman sa mga IG story ng magkapatid na Tricia, at Aika nitong Biyernes, kasunod ng malisyusong mga account sa naturang Meta platform.
Sa naunang story ng panganay, pinabulaanan nito ang account na @jprobredo7 na nagpanggap pang bago at backup account ng doktor.
Mababasa pa sa account biography nito ang pagnanais na makalikom ng nasa 70,000 followers.
Marcoleta, pinigilang magtanong tungkol sa proposed ₱6.352-trillion 2025 nat'l budget
“Received a follow request at a time I know my sister is asleep. This is not her accpunt, please don’t use her name to solicit?” mababasa sa IG story ni Aika.
“Not me, please report!!” segunda ni Tricia sa kaniyang reposted IG story.
Maliban dito, dalawa pang IG accounts ang binengga ng doktor, at kinumpirmang hindi sa kaniya: @jpgrobred at @jpgrobredo10.
Tanging @jprobredo na may verified blue check ang Instagram account ng doktor na kasalukuyang nasa 429,000 followers.
Laan naman para sa kaniyang food dump ang Instagram account na @pattyplatito na nasa mahigit 100,000 na ang followers sa pag-uulat.
Gayundin, parehong tig-iisang account lang ang mayroon ang dalawa pang Robredo na sina Jillian sa account na @jillrobredo na kasalukuyang mayroong 342,000 followers at Aika sa account na @aikarobredo na kasalukuyang nasa 290,000 ang followers.
