Niyanig ng 5.5-magnitude na lindol ang Davao del Sur nitong Miyerkules, ayon sa pahayag ng Philippine Institute of Volcanology and Seismology (Phivolcs).
Naramdaman ang lindol anim na kilometro timog kanluran ng Matanao dakong 4:05 ng hapon.
Naramdaman ang Intensity IV sa Davao City at General Santos City.
Ang naramdamang pagyanig ay katulad ng pag-uga kapag dumaan ang isang malaking truck.
64-anyos, natagpuang patay sa dalampasigan sa Samar
Inaasahan na rin ng Phivolcs ang aftershocks at pinsala ng pagyanig.
Naitala rin ng ahensya ang Intensity V sa Kidapawan City, Koronadal City, Norala, South Cotabato; Intensity IV (Jose Abad Santos, Davao Occidental; Alabel, Sarangani; Tampakan, Tantangan, Tupi, General Santos City, South Cotabato; Columbio, Sultan Kudarat); Intensity III (Libona, Bukidnon; Obando, Bulacan; Don Marcelino, Davao Occidental; Maasim, Kiamba, Malapatan, Sarangani; Santo Nino, Polomolok, Suralla, T'Boli, South Cotabato); Intensity II (Alamada, Cotabato; Nabunturan, Davao de Oro; Maitum, Sarangani; Lake Sebu, South Cotabato) at Intensity I sa Malaybalay, Cagayan de Oro, Misamis Oriental.
