Hindi nag-atubili ang Kapuso sexy comedienne na si Maureen Larrazabal na sagutin ang katanungan ng isang netizen sa TikTok tungkol sa kung ano ang hindi niya makakalimutang ginawa sa kanya ng isang artista. Sino kaya ito?
Game itong sinagot ni Maureen na mala-blind item dahil hindi niya pinangalanan ang artista na idinaan sa storytime. Pihadong unforgettable nga ang binahaging istorya ni Maureen dahil parang fresh pa sa kanyang memory ang lahat.
Ang siste naganap daw ang eksena sa dressing room ng dating variety show ng GMA-7 ang “SOP.” Lagi raw niyang kasama sa mga production number ang aktres na malamang sexy din. During that time sikat na sikat daw yung aktres at si Maureen daw bago-bago pa lang sa showbiz.
Minsan daw bago mag-umpisa ang SOP nangailangan daw siya ng make-up artist dahil hindi raw dumating yung make-up artist niya. Mayroon naman daw ganoon doon sa studio kaso sa dami ng mga guests ayaw na raw niyang makisali pa sa inhouse make-up artists. Marunong naman daw siyang magmake-up kaso nga lang sa buhok hindi na raw niya keri.
Ex-Pres. Rodrigo Duterte, tatakbong mayor sa Davao City; ayaw tumakbong senador?
Kaya nang makita niya ang aktres na fully get up na at tapos nang mamake-apan ng sariling make-up artist. Sinubukan niyang kausapin ito kung puwedeng hiramin at magpapaayos siya ng buhok kahit sandali lang. Kasi all the while ang alam ni Maureen friend sila nung aktres dahil nga lagi silang nagkakasabay sa mga production number.
Eto na, hindi raw siya sinagot agad ng aktres nakatitig lang daw ito ng mga three seconds na kitang-kita niya sa harap ng salamin. Hintay pa rin daw ang beauty ni Maureen kung ano ang isasagot. Pero nakatingin lang daw ang aktres sa salamin sabay tingin kay Maureen mula ulo hanggang paa sabay irap at sabay sabi ng, “Hindi.” Balik sa ginagawa niya yung aktres na parang walang nakipag-usap sa kanya.
Hiyang-hiya raw si Maureen that time dahil lahat ng mga tao doon, mga artista, make-up artists nag-zoom in sa kanya lahat. Gusto na nga raw niyang lumubog sa kinauupuan niya nung araw na iyon sa sobrang hiya.
Napahiya raw talaga siya sa tinuran nung aktres. Kahit ganoon ang ginawa nung aktres ay nag-sorry pa raw siya at nag-thank you.
Patay malisya na lang daw si Maureen doon sa inasal ng aktres. Hindi na raw active ang aktres na ito kaya naman tuwang tuwa si Maureen na hindi na niya ito makakasabay sa kung anumang production number mayroon. Dahil may attitude nga raw ito.
Komento ng mga netizen ay sabihin na ni Maureen kung sino yung aktres na sinasabi niya.
