Napa-react si Unkabogable Phenomenal Star Vice Ganda sa video ng online personality na si AC Soriano, dahil sa pagngalngal nito ng iyak dahil sa halos dalawang linggong pagliban ng TV host-comedian sa noontime show na "It's Showtime".
Matatandaang maraming "tsika" ang kumalat, na kesyo imbyerna raw si Meme sa kaniyang co-hosts sa show, at may kumalat pang lilipat na raw siya sa ALLTV.
Pero ang totoo, abala si Vice sa shooting ng pelikula nilang "Partners in Crime" na unang pagsasama nila ng Kapamilya actress at vlogger na si Ivana Alawi, sa direksiyon ni Cathy Garcia-Molina.
Ito rin ang muling pagbabalik ni Vice sa paggawa ng entry para sa Metro Manila Film Festival sa darating na Kapaskuhan.
50.78% examinees, pasado sa Nov. 2024 Licensure Exam for Agriculturists
Anyway, naaliw naman si Meme Vice sa video ni AC, niretweet ito, at nireaksyunan. Pangako naman niya, babalik din siya sa noontime show.
"Awwwwww!!! Dami ko lang labada at sinampay. Nag-uuulan pa. I’ll be back soon. Love you!"
Sa comment section, marami rin sa mga netizen ang nagpapabalik na kay Meme Vice dahil miss na miss na nila ang vibes na dulot nito.
Si AC Soriano ay nakilala dahil sa kaniyang remix sa hit teleseryeng "The Broken Marriage Vow" kung saan ginaya niya ang karakter ni Jodi Sta. Maria na si Dra. Jill Ilustre.
Basahin: https://balita.net.ph/2022/04/27/your-daughter-is-sleeping-with-my-husband-remix-aprub-kay-jodi-sta-maria/">https://balita.net.ph/2022/04/27/your-daughter-is-sleeping-with-my-husband-remix-aprub-kay-jodi-sta-maria/
