Nasira ng Barangay Ginebra ang malinis na kartada ng guest team na Bay Area Dragons nang matalo nila ito, 111-93, sa ikalimang sabak sa PBA Commissioner's Cup sa PhilSports Arena sa Pasig nitong Linggo.

Binitbit ng tinaguriang "super import" na si Justin Brownlee ang Gin Kings sa naisalansan na 46 points.

Napilitang gumamit ng matinding depensa ang Gin Kings upang putulin ang ratsada ng Dragons ang sunud-sunod na pinaluhod ang nakalabang apat na koponan.

Ginamit ng Gin Kings ang kanilang bilis at husay upang pahirapan ang Dragons na mayroong '7'5" center na si Liu Chuanxing, miyembro rin ng China national team at dating NBA player na si Andrew Nicholson.

Romualdez, nanawagan sa Kamara: 'Let us reject baseless accusations!'

Romualdez, nanawagan sa Kamara: 'Let us reject baseless accusations!'

Dahil dito, umabot sa 28 puntos ang abante ng Gin Kings.

"It was really our defense. They have been tearing us apart in that first half, but I was really pleased with the intensity of the first half. It was a lot of fun," pagdidiin ni Ginebra coach Tim Cone.

"They had a really tough game on Friday against Converge, they took a lot of energy in that game," dahilan ni Cone.

Bukod kay Brownlee, tumulong din sa panalo ng koponan si Jamie Malonzo na mayroong 17 puntos at si Christian Standhardinger na naka-11 puntos.