Nagtagumpay na naman ang NLEX Road Warriors sa ikalawang laban nito matapos padapain ang Blackwater Bossing, 105-102, sa 2022 PBA Commissioner's Cup sa Araneta Coliseum nitong Biyernes.
Pito pa ang naging abante ng Bossing sa huling tatlong minuto ng laban. Gayunman, biglang rumatsada ang NLEX kaya nakuha ang bentahe na 104-97.
Nagtangka pang humabol ng Blackwater nang maibaba nila sa apat ang abante ng Road Warriors.
Hindi naman pumayag si Matt Nieto na mahabol pa sila ng Bossing nang makakuha ng foul kay Baser Amer hanggang sa maiuwi nila ang panalo.
Romualdez, nanawagan sa Kamara: 'Let us reject baseless accusations!'
Kumamada ng 38 puntos ang import ng NLEX na si Earl Rashad Clark, bukod pa ang 25 rebounds habang si Don Trollano ay nag-ambag ng 18 puntos.
Humakot naman ng 26 puntos si Amer habang naka-double-double naman ang kakamping si Cameron Krutwig sa naipong 18 puntos at 14 rebounds.
Sa Sabado, sasagupain ng Road Warriors ang NLEX habang pipilitin naman ng Bossing na makuha ang panalo laban sa San Miguel.
