Itinanggi ng Maroon 5 frontman na si Adam Levine ang isyu tungkol sa umano'y relasyon niya sa isang social media influencer.
Pumutok ang ulat matapos magpost ng isang video sa TikTok ang social media influencer na si Sumner Stroh na kung saan inamin niyang nagkaroon umano sila ng relasyon ni Adam.
Bukod dito, shinare pa niya ang isang screenshot ng umano'y message ng singer sa kanya na nagtatanong kung okay lang ba ipangalan sa kanya ang anak nito.
"Ok serious question. I’m having another baby and if it’s [a] boy I really wanna name it Sumner. You ok with that? DEAD serious," message ni Adam kay Sumner.
#WalangPasok: Class suspensions ngayong Biyernes, Sept. 20
Gayunman, pinabulaanan ito ni Adam sa pamamagitan ng kanyang Instagram story nitong Miyerkules, Setyembre 21.
“I used poor judgment in speaking with anyone other than my wife in ANY kind of flirtatious manner. I did not have an affair, nevertheless, I crossed the line during a regrettable period of my life," aniya.
“In certain instances it became inappropriate. I have addressed that and taken proactive steps to remedy this with my family. My wife and my family are all I care about in this world.
"To be this naive and stupid enough to risk the only thing that truly mattered to me was the greatest mistake I could ever make. I will never make it again. I take full responsibility. We will get through it, and we will get through it together,” paglalahad pa niya.
Kasalukuyang kasal ang Maroon 5 frontman sa dating Victoria's Secret model na si Behati Prinsloo at mayroon silang dalawang anak na babae at ito rin ay buntis ngayon.
