Walang problema sa aktres na si Maricar Reyes kahit na hindi pa sila nabibiyayaan ng anak ng kanyang asawa na si Richard Poon dahil ginawa naman daw nila ang part nila bilang mag-asawa.
Sa interview ni Maricar sa YouTube vlog ng aktres na si Rica Peralejo, natanong siya kung may plano pa silang magkaanak ni Richard.
Ayon sa aktres, hindi nila plinanong magkaanak sa unang dalawang taon nila bilang mag-asawa, "after two years nung ikinasal kami, we really planned on not having kids for the first two years, after that pwede na."
"We even got checked. There's no problem with him and there's no problem with me. Feeling ko we did our due diligence naman on our side, humanly possible, pero wala e so what are you gonna do?" dagdag pa niya.
Ping Lacson, kinilala ambag nina PNoy, PBBM sa estado ng kaso ni Mary Jane Veloso
Natanong din sa kanya kung may oras ba na naiinggit siya sa mag-asawang nagkaroon ng anak.
"Honestly kaya minsan hindi ko alam kung baka weirdo lang talaga ako... hindi," ani Maricar.
"Meron lang talaga akong peace na kung meron, okay; kung wala, okay. It doesn't make me feel like I’m less of a person or I’m less of a female. Kung wala, wala e. Ginawa mo naman yung part mo and I rest on that," aniya pa.
"Not to discredit women who don't have the peace, kaya lagi akong may disclaimer na hindi galing sa akin ito. Some things God makes easy for you, and some things God makes a little more challenging,” paglalahad pa niya.
Ikinasal sina Maricar at Richard noong June 9, 2013 at ngayong taon ay kanilang ipinagdiwang ang kanilang 9th wedding anniversary.
