Straight to the point kung sumagot ang singer-songwriter na si Ice Seguerra nang maging guest sa comedy talk show na “Boobay and Tekla Show” (TBATS) ng GMA-7.
Tinalakay sa segment na Guilty or Not Guilty ng TBATS ang relasyon ng mag-asawang Ice Seguerra at ng former FDCP Chair na si Liza Diño-Seguerra.
Unang naging paksa ay “kung inaway ang dyowa dahil sa selos." Mabilis na “Guilty” sa plakard ang naging sagot ni Ice habang tumatawa at agad ibinahagi ang kanyang kuwento.
“Bago pa lang kami nito ni Liza. Actually, sa totoo lang hindi ako selosong tao pero siguro ganoon talaga kapag maganda yung asawa mo. Tapos alam mo na marami ring poging nakaraan. So ayun, so noong bago kami yan medyo nagkaka-issue ako kapag… kunwari kumain kami sa isang lugar na nakainan na nila," aniya.
Romina, patuloy na kumikilos pahilaga; hindi na nakaaapekto sa Kalayaan Islands
Dagdag pa ni Ice, si Liza raw ay hindi raw sinasabing selosa pero indirectly ang pagkaselosa nito parang tulak ng bibig kabig ng dibdib. Just incase naman daw na may problema sa selosan hangga't maaari pinag-uusapan nilang dalawa ito. Tinutumbok nila ang pinaka puno’t dulo ng sanhi ng sakit ng selos para na ring mapag-usapan at maayos ang lahat lahat.
Natalakay din dito ang tungkol sa mga crush nila Ice at Liza. Pag-amin ng mahusay na singer mayroon daw silang listahan ng kanilang mga hinahangaan at ang shared crush nila ay ang aktres na si Angel Aquino.
Pagdating naman daw sa mga ex ni Ice, aminado siyang nag-iistalk ito sa social media.
“It’s more of like gusto ko lang… kasi friends ko rin naman sila on FB or Instagram so chini-check ko rin every once in a while. Pero yun lang yun," sey niya.
Hindi naman daw issue ito kay Liza at very open sila sa isat-isa. Sa mga naging ex daw ni Ice, in good terms naman daw sila at friends. Tanging si Liza lang daw sa mga ex niya noon ang binalikan niya.
Samantala, sa pagbabalik alaala ni Ice tungkol sa dating ka-love team na si Spencer Reyes. Diring-diri raw siya noon lalo na kapag kailangan magholding hands sila at mag-akbay noong nagpromote sila ng pelikula nila. In fairness naman daw kay Spencer napakabait daw nito at magkaibigan sila.
Ang naturang guesting ni Ice ay para sa nalalapit niyang concert na "Becoming Ice" na magaganap sa Oct. 15 sa The Theater sa Solaire ng 8 pm. Kaugnay na rin para sa selebrasyon ng kanyang 35th anniversary sa industriya.
