Napagkamalang si Jessica Soho ang batikang dokumentarista na si Kara David habang tumatakbo ito sa University of the Philippines (UP) Campus nitong Huwebes, Setyembre 1.
Sa isang Facebook post, ibinahagi ni David ang cute encounter nila ng isang lalaking nakasakay sa motorsiklo.
"Habang tumatakbo sa UP Campus, may narinig akong humahabol sa akin at sumisigaw 'Jessica! Idol! Jessica!' Tumigil ako, 'hindi po ako si Jessica' (pero secretly, kinilig ako kasi idol ko rin si Maam Jessica).
"Sabay sabi ni manong: 'Ay sorry Kara David pala! Ikaw yung host ng mga pagkain. Lagi kang kumakain sa TV. Tama yan maam, jogging ka pa para di ka tumaba. Kain ka kasi nang kain!' Ayun! Napatakbo tuloy ako ng 15km today dahil kay manong," kuwento niya.
Classic movie ‘Ipaglaban Mo!’, ipinalabas ng CCP bilang kampanya vs VAWC
Dahil dito, hinikayat ng dokumentarista ang publiko na manood ng kanyang show sa GTV na 'Pinas Sarap' na umeere tuwing Sabado.
