Nakatakdang bumisita si Pangulong Ferdinand Marcos, Jr. sa Indonesia at Singapore sa susunod na buwan.
Ito ang isinapubliko ni Press Secretary Trixie Cruz-Angeles nitong Biyernes.
"Iko-confirm ko rin lang po 'yung dalawang state visit, to Indonesia at saka to Singapore. Itong September 4-6 sa Indonesia at 6-7 sa Singapore. Kung may katanungan dito, actually wala pa tayong masyadong detalye pero kino-confirm namin na tuloy po ito," sabi ni Cruz-Angeles.
Ito ang unang state visit ni Marcos bilang Pangulo ng bansa, ayon kay Cruz-Angeles.
Kaugnay nito, inaayos pa aniya ang planong pagbisita ni Marcos sa United States kung saan inaasahang dadalo ito sa United Nations General Assembly.
