BIÑAN CITY, Laguna - Isang pulis-Biñan ang binaril at napatay ng hindi pa nakikilalang salarin na pumasok sa kanilang police outpost sa lungsod nitong Miyerkules ng gabi.
Dead on arrival sa Qualimed Hospital sa Sta. Rosa City, Laguna ang biktimang si P/Ssg. Robert Torregrosa, miyembro ng Biñan City Police Station at nakatalaga Police Assistance Center station 5, dahil sa mga tama ng bala ng baril.
Sa paunang report ng pulisya, dakong 9:00 ng gabi nang pasukin ng hindi nakikilalang lalaki ang police outpost sa Barangay Timbao kung saan naka-duty si Torregrosa.
Kaagad na binaril ng suspek ang biktima at nang matiyak na patay na ang huli ay agad itong tumakas sakay ng motorsiklo na minamaneho ng isa pang lalaki.
Lolang bibisita sa City Jail, timbog matapos mahulihan ng ilegal na droga
Nagsasagawa pa rin ng imbestigasyon ang mga awtoridad upang matukoy ang mga suspek at motibo sa krimen.
