Walang ka-effort-effort na kinanta ni “RnB Queen” Kyla Alvarez ang isang komplikadong brand new track ni Beyonce kasama sa “Renaissance” album nito kamakailan.
Habang nakasalang sa isang speaker ang kantang “Plastic Off The Sofa,” walang kahirap-hirap na nakipagsabayan si Kyla sa komplikadong track kung saan maririnig ang pasikot-sikot na kulot, at maya’t mayang pagpapalit ng vocal register.
All-smile pa at parang namalengke lang ng nota ang OPM pillar habang nakikipag-showdown sa nag-iisang Beyonce.
'Iconic women!' Pinakamalaki at pinakamaliit na babae sa buong mundo, nagkita!
Ibinahagi ni Kyla ang isang minutong practice cover sa parehong Instagram at TikTok account.
“Just havin’ fun with this one. My husband seems to love the song too. LOL. A little more practice to polish the runs and i think i can sing this live na in shows. I can’t wait! I love you @beyonce!” mababasa sa caption ng RnB singer.
Sa galing ni Kyla, maging ang kapwa RnB stars na si Jason Dy at Jay-r ay napabilib nito.
"AYUN NA NGA! Galing! 🔥🔥🔥" komento ng The Voice Philippines champ.
Nalula rin sa galing ng Kapamilya singer ang maraming netizens.
“Rnb Olympics levels!” komento ng isang follower ng singer.
“Grabe Ate, ang hirap netoooo!“
“Madam, isa kang tunay na alamat. Apakahusay Madaaam!!! 👏🏼👏🏼👏🏼💜💜💜”
“Grabe un ma!!!!! Apakahusay!!!!😍😍😍😍”
“Nobody does it like the QUEEN OF R&B! Queen Bey is proud! 🐝💛”
“Miss Kyla, may-ari ka po ba ng Salon? Grabe ang kulutan! Linis! Nag-iisa talaga!!”
“Apaka fluid talga ng runs. Nasasabayan si beyonce eh..👏👏👏”
“GRABE YUNG LOW NOTES????? LUV U QUEEN 💜”
“Grabe naman, apakahirap pero ang dali lang para kay Kyla😳”
Nasa mahigit 80,000 na ang pinagsamang views ng naturang cover ni Kyla.
