Nagpositibo ulit sa Covid-19 ang aktor at komedyanteng si Michael V.
Ikinuwento ito ng aktor sa kaniyang Instagram post nitong Sabado, Hulyo 23.
"Nakatanggap ako ng notification from my old friend, Covid," panimula ni Bitoy.
"Matagal na kaming hindi nagkikita. Actually sinabihan ko na s’ya na ‘wag nang bumalik pero eto na naman s’ya… magha-“HI” lang daw at magpapa-alala na nandito lang s’ya sa tabi-tabi. Hindi naman daw talaga s’ya umalis, palipat-lipat lang s’ya ng bahay.
Ex-Pres. Duterte, ikakampanya si Quiboloy: 'Marami siyang alam sa buhay!'
"Kesyo nagbago na raw s’ya; hindi na raw s’ya kasing-lalâ nu’ng dati… pero hindi pa rin ako naniniwala; “Once a killer…” well…" kwelang kuwento niya.
Sinabi rin ni Bitoy na nahawaan din ang kaniyang asawa.
"S’yempre inabala n’ya na naman ‘yung pamilya ko, ‘yung community namin, ‘yung trabaho ko… pati asawa ko dinamay pa" aniya.
"Pero hindi ko naman s’ya masisi! Kasi hindi rin naman s’ya nagkulang ng paalala. Talagang matitigas lang ang ulo ng mga tao minsan.
"Kaya Covid, eto ang message ko sa ‘yo: Hindi ka pa rin welcome sa bahay. Pero salamat na rin sa dalaw. Hayaan mo… kahit bad trip ako sa ‘yo, hinding-hindi kita makakalimutan."
Nauna nang tinamaan ng Covid-19 ang aktor noong 2020.
