Naniniwala umano si Senador Robinhood "Robin" Padilla na pagdating sa kasaysayan, kailangan umanong pakinggan hindi lamang ang naratibo ng mga Aquino kundi maging ang naratibo ng mga Marcos.
Natanong ang senador tungkol sa kaniyang reaksiyon sa naging kontrobersiyal na pahayag ng aktres na si Ella Cruz na "History is like tsismis".
Basahin: https://balita.net.ph/2022/07/02/history-is-like-tsismis-ella-cruz-ibinahagi-ang-natutuhan-bilang-irene-marcos-sa-maid-in-malacanang/">https://balita.net.ph/2022/07/02/history-is-like-tsismis-ella-cruz-ibinahagi-ang-natutuhan-bilang-irene-marcos-sa-maid-in-malacanang/
Parehong kabilang sa pelikulang "Maid in Malacañang" ang dalawa. Si Ella ang gumanap na batang Irene Marcos habang si Robin naman ay isang sundalo.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
"Ang history talaga dalawang narrative 'yan depende kung sino ang nanalo," ani Padilla.
"Kapag ikaw ang natalo, sigurado yung paglalahad mo matatago. Hindi na 'yan pakikinggan. Ang maririnig na narrative ng kuwento yung nanalo… sa matagal na panahon, narrative ng after People Power ang naririnig natin. So ngayon, maririnig naman natin ang narrative ng Marcos."
"Hindi natin puwedeng sabihing tsismis ito kasi ang narrative ng Aquino, iba sa narrative ng Marcos," giit pa ng senador.
Bagama't hindi opisyal ay naikonekta si Padilla sa UniTeam nina Pangulong Ferdinand "Bongbong" Marcos, Jr. at Pangalawang Pangulong Sara Duterte.
Pagkatapos ng halalan, isa sa mga pinasalamatan ni Robin ay si Queen of All Media Kris Aquino na nakatulong daw sa kaniya upang manalo sa halalan.
Basahin: https://balita.net.ph/2022/06/09/robin-pinasalamatan-si-kris-malaki-ang-naitulong-sa-pagkapanalo-bilang-senador/">https://balita.net.ph/2022/06/09/robin-pinasalamatan-si-kris-malaki-ang-naitulong-sa-pagkapanalo-bilang-senador/
Bagay na pinalagan naman ng mga UniTeam supporter dahil ang kailangan daw na pasalamatan ni Binoe ay si PBBM. Agad namang nagpaliwanag at nilinaw ito ng senador.
Basahin: https://balita.net.ph/2022/06/09/ilang-uniteam-supporters-nagalit-kay-robin-bakit-daw-kay-kris-nagpasalamat-at-hindi-kay-pbbm/">https://balita.net.ph/2022/06/09/ilang-uniteam-supporters-nagalit-kay-robin-bakit-daw-kay-kris-nagpasalamat-at-hindi-kay-pbbm/
