Proud na ibinahagi ni Kapuso singer Mark Bautista ang malapit nang matapos na bagong gawang bahay, bunga aniya ng kaniyang disiplina at pokus.
Sa isang Instagram update, Linggo, bumisita ang Kapuso singer kasama ang kaniyang pamilya sa site kung saan ipinatayo ang napundar na brand new home ng kaniyang pamilya.
Bagaman hindi binanggit kung saan ipinatayo ng singer ang kaniyang bahay ay mapapansin ang nakakalulang mountain top view nito sa ilang segundong Instagram video.
“Visited the site today. We’ve been working on this since last year pa, now it’s 98.9897% done😄. Gusto ko lang ishare ang bunga ng discipline at focus,” mababasa sa post ni Mark.
Content creator, 'di kinaya ugali ng dating Sang'gre sa concert ng BINI: 'Pipi na ba kayo?'
Dagdag niya, “Mukhang matutupad na ang pa-convenience store ni mama at cafe ni brother.”
Ilang kasamahan naman sa showbiz ang nagpaabot ng pagbati para sa singer.
“Congrats Mark!!! Super happy for you and fam !!🥰👍” komento ni Jona sa Instagram update ni Mark.
“Yun o!!! Congrats, @iammarkbautista👏👏” pagbati ni Barbie Forteza.
“Very nice! 👍👍👍,” komento ni Lani Misalucha.
“Wow congrats! Ang ganda,” ani Jay-R.
Nag-umpisa ang karera ni Mark nang maging first-runner up ang singer sa singing competition na “Star For A Night” kung saan nagwagi si Sarah Geronimo.
