LAGUNA – Arestado ng pulisya ang apat na hinihinalang tulak ng droga sa isinagawang buy-bust operation Martes, Hulyo 5, sa Barangay Pansol, Calamba City, nitong lalawigan.
Kinilala ang mga suspek na sina Santy Mapa Tarog, 27; at Benjo Bas Malana Jr., parehong construction worker; at John Lorenz Dimaguila, 27, at Jomay Gatioan, 20, resort pool agents at lahat ng residente ng Calamba City.
Lahat sila ay nasa drug watchlist bilang mga street level individuals, sabi ng pulisya.
Nakuha mula sa mga suspek ang labing-isang sachet ng hinihinalang shabu na tinatayang may bigat na 2.1 gramo.
6 dayuhang nagsasagawa ng medical mission sa Leyte, ninakawan!
Arestado ang mga suspek matapos makatanggap ng impormasyon ang Calamba City police mula sa mga concerned citizen tungkol sa talamak na aktibidad ng ilegal na droga sa barangay.
Nasa kustodiya ng Calamba City police ang mga suspek at sasampahan ng kasong paglabag sa Republic Act No. 9165 o Comprehensive Dangerous Drugs Act of 2002.
